Төв аймаг байгуулагдсаны түүхт 100 жилийн ойд зориулсан “Төв сайхан нутгийн шүтээн хайрханууд” уран зургийн үзэсгэлэн нээгдэх гэж байна.
Үзэсгэлэнг энэ оны 7 дугаар сарын 1-8-ны өдрүүдэд Занабазарын нэрэмжит “Дүрслэх урлагийн музей”-д, 26-28-нд Төв аймгийн Монгол туургатан театрт олон нийтэд дэлгэн үзүүлэх юм байна.
Энэхүү үзэсгэлэнг гаргахаар 2022 оны 9 дүгээр сарын 12-ны өдрөөс Төв аймгийн ЗДТГ, “Эх нутгийн иргэд” ТББ, “Дүнжингаравын зураач уран бүтээлчид” ТББ хамтран 27 сумаа тойрон уран бүтээлээ туурвиж, тахилгат шүтээн хайрхануудыг түүх, домог, байгалийн онцлогтой нь уялдуулан дүрслэх урлагт мөнхөлжээ.
source: montsame
